Turava

Ommaviy oferta

Ilova va saytdan foydalanish shartlari

Diqqat. Ushbu hujjat yuridik kuchga ega taklif (oferta) hisoblanadi. Ilovadan foydalanish yoki xizmatga buyurtma berish — shartlarni to'liq qabul qilish demakdir. Rozi bo'lmasangiz, ilovadan foydalanmang.

1. Umumiy qoidalar

1.1. Ushbu Ommaviy oferta (keyingi o'rinlarda — Oferta) YaTT «Umarjonov Biloliddin Jamoliddin o'g'li» (keyingi o'rinlarda — Ijrochi) tomonidan cheksiz doiradagi jismoniy shaxslarga (keyingi o'rinlarda — Foydalanuvchi) beriladigan rasmiy taklifdir.

1.2. Oferta O'zbekiston Respublikasi Fuqarolik kodeksining 367-moddasiga muvofiq tuzilgan. Ilovaga ro'yxatdan o'tish, undan foydalanish yoki xizmatga buyurtma berish akseptdir va shartnoma tuzilgan hisoblanadi.

1.3. Ijrochi Ofertaga bir tomonlama o'zgartirish kiritish huquqiga ega. Yangi tahrir ushbu sahifada e'lon qilingan paytdan kuchga kiradi. Amaldagi tahrir sanasi sahifa oxirida ko'rsatiladi.

2. Atamalar

Ilova«Turava» mobil ilovasi va turava.world sayti.
PlatformaIjrochi yuritadigan xizmat: Foydalanuvchi bilan Gid yoki boshqa xizmat ko'rsatuvchini bog'lash.
GidIlovada ro'yxatdan o'tgan, ekskursiya xizmatini mustaqil ko'rsatuvchi jismoniy yoki yuridik shaxs.
HamkorIlova orqali xizmatini mustaqil ko'rsatuvchi shaxs: Gid, transfer haydovchisi yoki guruh sayohati tashkilotchisi.
Xizmat haqiIjrochining vositachilik haqi. Hamkor narxining ustiga qo'shiladi va Foydalanuvchi tomonidan ilovada to'lanadi.
BuyurtmaFoydalanuvchining Hamkor xizmatiga bergan so'rovi va Hamkor tomonidan tasdiqlangan kelishuv.
PremiumIlova ichidagi qo'shimcha imkoniyatlar to'plami (pullik obuna).

3. Oferta predmeti

3.1. Ijrochi Foydalanuvchiga quyidagilarni taqdim etadi:

3.2. Ijrochi ekskursiya, transfer va sayohat xizmatini O'ZI ko'rsatmaydi. Hamkor mustaqil xizmat ko'rsatuvchi hisoblanadi. Ijrochi Foydalanuvchi bilan Hamkor o'rtasidagi texnik vositachi bo'lib, xizmatning mazmuni, sifati va o'z vaqtida bajarilishi uchun bevosita ijrochi emas.

4. Ro'yxatdan o'tish va hisob

4.1. Ilovaning asosiy qismidan ro'yxatdan o'tmasdan foydalanish mumkin.

4.2. Buyurtma berish, sharh qoldirish va pasportni saqlash uchun hisob talab qilinadi.

4.3. Foydalanuvchi kiritgan ma'lumotlarning haqiqiyligi uchun javobgar.

4.4. Hisobni istalgan vaqtda o'chirish mumkin: Profil → Hisobni o'chirish. Ma'lumotlar 30 kun ichida butunlay o'chiriladi.

5. Narx va to'lov tartibi

5.1. Hamkor xizmatining narxini Hamkor o'zi belgilaydi. Narx ilovada buyurtma berish paytida ko'rsatiladi va tasdiqlangunga qadar o'zgarishi mumkin.

5.2. Ilovada to'lov faqat quyidagi ikki narsa uchun qabul qilinadi. Ikkalasi ham Ijrochining o'z mablag'i:

Nima uchunTo'lov tizimi
Xizmat haqi — Ijrochining vositachilik haqi, Hamkor narxining ustigaClick, Octobank va boshqa milliy to'lov tizimlari
Premium obunaGoogle Play Billing (ilova do'koni qoidalariga muvofiq)
5.3. Ijrochi uchinchi shaxslarning mablag'ini qabul qilmaydi. Hamkor xizmatining narxini Foydalanuvchi bevosita Hamkorga, to'liq to'laydi — uchrashganda, naqd yoki tomonlar o'zaro kelishgan boshqa usulda. Xizmat haqi bu narxdan ayirilmaydi. Ijrochi bu mablag'ni qabul qilmaydi, o'z hisobida ushlab turmaydi va uchinchi shaxslarga taqsimlamaydi.

5.4. Xizmat haqi miqdori: Gid buyurtmasi — Gid darajasiga qarab Gid narxining 15% dan 12% gacha («Yangi» — 15%, «Tasdiqlangan» — 14%, «Pro» — 13%, «Elita» — 12%); transfer — haydovchi narxining 15%. Aniq summa buyurtma tasdiqlanishidan oldin ilovada alohida qator bilan ko'rsatiladi. Guruh sayohatlari bo'yicha ilovada to'lov hozircha qabul qilinmaydi.

5.5. Misol uchun: transfer narxi 400 000 so'm bo'lsa — Foydalanuvchi ilovada Ijrochiga 60 000 so'm xizmat haqi to'laydi va haydovchiga 400 000 so'mni to'liq beradi, jami 460 000 so'm. Hamkor oladigan summa kamaymaydi.

5.6. Mehmonxona va eSIM Ijrochi tomonidan sotilmaydi. Ilova sherik xizmatlarning saytiga havola beradi; bron ham, to'lov ham o'sha xizmatda amalga oshiriladi va Ijrochi u bo'yicha mablag' qabul qilmaydi. Ijrochi sherikdan komissiya oladi, bu Foydalanuvchi uchun narxni oshirmaydi.

5.7. Transport chiptasi sotilmaydi. Ilova faqat ma'lumot beradi: taxminiy yo'l vaqti, tashuvchi nomi va rasmiy sayt havolasi. Chipta narxi va jadval ko'rsatilmaydi, to'lov qabul qilinmaydi.

5.8. Ijrochi karta ma'lumotlarini olmaydi va saqlamaydi. Karta raqami, amal qilish muddati va CVV to'g'ridan-to'g'ri to'lov tizimining himoyalangan sahifasiga kiritiladi. Ilova va Ijrochi serverlari bu ma'lumotni hech qachon ko'rmaydi.

5.9. Premium obuna shartlari. Ikki reja bor: 30 kunlik chipta — oldindan to'lanadi, muddat tugagach avtomatik yangilanmaydi; yillik obuna — avtomatik yangilanadi, istalgan payt Google Play sozlamalaridan bekor qilinadi. Premium faqat Google Play Billing orqali sotiladi — Click, Octobank va boshqa milliy to'lov tizimlari unda qatnashmaydi. Narxni Google Play xaridorning hisobi davlati bo'yicha, o'z valyutasida ko'rsatadi va aynan shu summa yechiladi. Premium Foydalanuvchining hisobiga bog'lanadi va boshqa qurilmada «Xaridni tiklash» orqali qaytariladi. Premium hech qanday xizmatni «cheksiz» qilib va'da qilmaydi — kunlik chegaralar ilovada ko'rsatiladi.

6. Bekor qilish va pul qaytarish

6.1. Foydalanuvchi buyurtmani xizmat ko'rsatilgunga qadar bekor qilishi mumkin.

6.2. Bekor qilish shartlari va qaytariladigan summa buyurtma berish paytida ko'rsatiladi.

6.3. Xizmat ko'rsatilmagan bo'lsa, Ijrochiga to'langan mablag' (xizmat haqi) 10 ish kuni ichida to'lov amalga oshirilgan usul bo'yicha qaytariladi. Hamkorga bevosita berilgan mablag'ni Hamkor o'zi qaytaradi — Ijrochi u mablag'ni qabul qilmagani uchun uni qaytarish imkoniga ham ega emas.

6.4. Premium obunani qaytarish Google Play qoidalari bo'yicha amalga oshiriladi.

6.5. Xizmat to'liq ko'rsatilgandan keyin pul qaytarilmaydi, bundan Ijrochi yoki Hamkor aybi bilan xizmat ko'rsatilmagan hollar mustasno.

7. Tomonlarning javobgarligi

7.1. Ijrochi Platformaning uzluksiz ishlashiga harakat qiladi, lekin internet, xarita xizmatlari yoki uchinchi tomon xizmatlaridagi uzilishlar uchun javobgar emas.

7.2. Ilovadagi ma'lumot (joy tavsifi, ish vaqti, narx) ma'lumot uchun beriladi va o'zgarishi mumkin. Muhim rejalar joyida tasdiqlanishi tavsiya etiladi.

7.3. Viza, chegara va sog'liq bo'yicha ma'lumotlar rasmiy manbalarga havola bilan beriladi. Yakuniy qaror va javobgarlik Foydalanuvchida.

7.4. Hamkor ko'rsatgan xizmatning sifati uchun Hamkor javobgar. Ijrochi nizolarni hal qilishda vositachilik qiladi.

7.5. Sun'iy intellekt yordamchisi bergan javoblar maslahat xarakterida bo'lib, rasmiy manba hisoblanmaydi.

8. Shaxsiy ma'lumotlar

8.1. Shaxsiy ma'lumotlar O'zbekiston Respublikasining «Shaxsga doir ma'lumotlar to'g'risida»gi Qonuniga muvofiq qayta ishlanadi.

8.2. Ilova quyidagilarni yig'adi:

Ma'lumotNima uchun
Elektron pochtaHisobga kirish, buyurtma xabarlari
Ism (ko'rsatiladigan)Gid va Foydalanuvchi bir-birini tanishi uchun
Aloqa (telefon yoki pochta)Faqat Gid va Foydalanuvchi buyurtma tasdiqlangandan keyin
Yetkazish manziliFaqat jismoniy pasport kitobchasi buyurtma qilinganda
Buyurtma tafsilotlariSana, odam soni, narx
Joylashuv (bir nuqta)Faqat ikki holatda: muhr olganda — serverga, o'sha muhr bilan saqlanadi; Nazar ishlatganda — qaysi joyga qarab turganingizni aniqlash uchun
Surat (Nazar)Faqat siz kamerani qaratganingizda, joyni tanish uchun; saqlanmaydi
8.3. Ilova quyidagilarni YIG'MAYDI:
  • karta ma'lumotlari;
  • pasport yoki ID raqami;
  • joylashuv tarixi — Ilova sizni fonda kuzatmaydi, masofa telefonning o'zida hisoblanadi. Koordinata faqat 8.2-bandda ko'rsatilgan ikki holatda, sizning harakatingiz bilan chiqadi;
  • telefon kitobchasi, suratlar galereyasi, mikrofon.

8.4. Ma'lumot uchinchi shaxslarga sotilmaydi. Uzatish faqat quyidagi hollarda: to'lov tizimiga (to'lovni amalga oshirish uchun); Gidga (faqat tasdiqlangan buyurtma bo'yicha); Nazar surati va AI yordamchiga berilgan savol — Google (Gemini) ga, Google javob bermasa Anthropic'ga (faqat o'sha so'rovni bajarish uchun, ism va pochtasiz); qonun talab qilgan hollarda. Batafsil ro'yxat va muddatlar — Maxfiylik siyosatida; ikki hujjat farq qilsa Maxfiylik siyosati ustun.

8.5. Batafsil: Maxfiylik siyosati.

9. Intellektual mulk

9.1. Ilova, uning dizayni, kodi va brendi Ijrochiga tegishli.

9.2. Joylar haqidagi ma'lumot Wikidata (CC0) va Wikipedia'dan, suratlar Wikimedia Commons'dan olingan va tegishli litsenziyalar asosida ishlatiladi.

10. Nizolarni hal qilish

10.1. Nizolar avval muzokara yo'li bilan hal qilinadi. Murojaat: info@turava.world. Javob muddati — 10 ish kuni.

10.2. Kelishuvga erishilmasa, nizo O'zbekiston Respublikasi qonunchiligiga muvofiq sud tartibida hal qilinadi.

11. Ijrochi rekvizitlari

NomiYaTT «Umarjonov Biloliddin Jamoliddin o'g'li»
STIR / JSHSHIR51803056570019
ManzilO'zbekiston Respublikasi, Toshkent shahri, Uchtepa tumani, «Paxtakor» MFY, Mars ko'chasi, 32-uy
Pochtainfo@turava.world
Saytturava.world

Amaldagi tahrir: 2026-yil 27-sentyabr.